અરબી પરથી વિકસેલી લિપિઓ
અરબી, ફારસી, કુર્દિશ, ઉર્દૂ
પાત્રતા અને શ્રેણીઓ
Bloom Awards માટે એન્ટ્રીઓ સ્વીકારાય છે
એન્ટ્રીઓ સ્વીકારવાનું બંધ થવામાં બાકી—
પરિચય
GRANSHAN Bloom Award વિવિધ સંસ્કૃતિઓ અને લિપિ પ્રણાલીઓની ઉત્કૃષ્ટ ડિઝાઇનને સન્માને છે. દુનિયા માત્ર લેટિનમાં જ નથી લખતી. તે અરબી અને બંગાળીમાં, ખ્મેર, જાપાની, કોરિયન, તમિલ અને થાઈમાં લખે છે. આ આકારો માત્ર ચિહ્નો નથી: તે વારસાની, પોતાપણાની અને નવા ઉદયની અભિવ્યક્તિ છે.
આ સમૃદ્ધિને સંપૂર્ણપણે સમર્પિત GRANSHAN એકમાત્ર આંતરરાષ્ટ્રીય ડિઝાઇન સ્પર્ધા છે. અમારું ધ્યાન સ્પષ્ટ છે: લેટિનથી આગળની વિશ્વની લિપિઓ કોઈ એક શ્રેણી નથી, તે જ કેન્દ્ર છે. દરેક એન્ટ્રીનું મૂલ્યાંકન એવા નિર્ણાયકો કરે છે જેઓ ડિઝાઇનને માત્ર જોતા નથી, તેને વાંચે છે. મૂળ લિપિમાં. મૂળ ભાષામાં. તે જે સાંસ્કૃતિક, રાજકીય અને ભાવનાત્મક સંદર્ભમાંથી બોલે છે, તે સંદર્ભમાં. અહીં ડિઝાઇનને માત્ર જોવામાં નથી આવતી; સંસ્કૃતિને વહન કરતા તેના બધા આકારો અને ધ્વનિઓ સાથે તેને સમજવામાં આવે છે.
Bloom Award દરેકની આગવી વિશિષ્ટતાની શક્તિને ઉજવે છે. કારણ કે પોતાની લિપિને જાણતા અને પોતાની ઓળખ દ્વારા બોલતા લોકો જ વિશ્વના સહિયારા સ્વરમાં આગવો અવાજ ઉમેરી શકે છે અને સાચા અર્થમાં સંભળાઈ શકે છે.
તમારી લિપિને ઓળખ અપાવો. તમારા અવાજને ગુંજવા દો.
સાવ નવા GRANSHAN Bloom Awardમાં તમારું સ્વાગત છે!
Boris Kochan
GRANSHAN Foundationના પ્રમુખ
કોણ અને શું પાત્ર છે?
તમારી કૃતિ ટાઇપોગ્રાફી દ્વારા સંસ્કૃતિઓને જોડતી હોય, વાર્તાઓ કહેતી હોય અને ઓળખને આકાર આપતી હોય, તો આ સ્પર્ધા તમારા માટે છે:
- ડિઝાઇનરો
- ટાઇપોગ્રાફરો
- ક્રિએટિવ ડિરેક્ટરો
- સ્ટુડિયો
- એજન્સીઓ
- સંસ્થાની આંતરિક ડિઝાઇન ટીમો
- પ્રકાશકો
- સાંસ્કૃતિક સંસ્થાઓ
- બિનસરકારી સંસ્થાઓ
- વિદ્યાર્થીઓ
- તાજેતરમાં સ્નાતક થયેલા
- બ્રાન્ડ
- સંસ્થાઓ
Works created or first published between January 2023 and December 2026 are eligible for submission. The publication or completion date must fall within this window. Works created before January 2023 are not eligible, regardless of whether they remain in active use or distribution.
શ્રેણીઓ
આ ટાઇપોગ્રાફિક વિવિધતા સાથે સ્પર્ધામાં 9 માધ્યમ શ્રેણીઓનો સમાવેશ થાય છે. દરેક શ્રેણી ઉત્કૃષ્ટ ટાઇપોગ્રાફિક સર્જનશીલતા માટે આગવું મંચ પૂરું પાડે છે. દરેક પ્રોજેક્ટનું મૂલ્યાંકન તેના પસંદ કરેલા માધ્યમમાં તે ક્ષેત્રના નિષ્ણાતો કરે છે.
સંપાદકીય ડિઝાઇન અને પ્રકાશન સંપાદકીય ક્ષેત્રનું ઉત્કૃષ્ટ ડિઝાઇન કાર્ય, જેમાં વિષયવસ્તુ અને ટાઇપોગ્રાફી સાથે મળીને મુદ્રિત અને ડિજિટલ માધ્યમોમાં આકર્ષક વાંચન અનુભવ રચે છે. બધાં પાત્ર સ્વરૂપો જુઓ
- પુસ્તક ડિઝાઇન (દા.ત. કથાસાહિત્ય, કથાસાહિત્ય સિવાયનાં પુસ્તકો, કલા પુસ્તકો, સૂચિપત્રો)
- સામયિક અને અખબાર ડિઝાઇન (મુદ્રિત કે ડિજિટલ)
- ટાઇપોગ્રાફિક સંપાદકીય શ્રેણીઓ (કટારો, સાહિત્યિક શ્રેણીઓ, ધારાવાહિક નિબંધો)
- સ્વતંત્ર પ્રકાશન (ઝીન્સ, સ્વપ્રકાશિત પુસ્તકો, ન્યૂઝલેટરો, પ્રાયોગિક સ્વરૂપો)
પેકેજિંગ બ્રાન્ડની ઓળખ અને વપરાશકર્તાની જોડાણભાવના વધારતું નવીન અને ઉપયોગી પેકેજિંગ. ટાઇપોગ્રાફિક બારીકાઈઓ અને આકાર દ્વારા દૃશ્ય વાર્તાકથન પર વિશેષ ભાર. બધાં પાત્ર સ્વરૂપો જુઓ
- એક ઉત્પાદનનું પેકેજિંગ
- ઉત્પાદન સમૂહો અને શ્રેણીઓ
- ટાઇપોગ્રાફિક પેકેજિંગ (જેમાં અક્ષરરૂપો મુખ્ય દૃશ્ય તત્ત્વ હોય તેવી ડિઝાઇન)
ડિજિટલ માધ્યમો અને ઇન્ટરફેસ ડિઝાઇન ડિજિટલ ક્ષેત્રમાં પરસ્પરક્રિયા અને ટાઇપોગ્રાફિક ઉત્કૃષ્ટતાને નવી ઊંચાઈએ લઈ જતાં સર્જનાત્મક, સ્ક્રીન આધારિત ડિઝાઇન ઉકેલો. બધાં પાત્ર સ્વરૂપો જુઓ
- વેબસાઇટો અને વપરાશકર્તા ઇન્ટરફેસ
- મોબાઇલ ઍપ્લિકેશનો
- ડિજિટલ પ્રકાશનો / ઈ-પુસ્તકો / પરસ્પરક્રિયાત્મક પુસ્તકો
- માઇક્રોસાઇટો અથવા ડિજિટલ વાર્તાકથન મંચો
મોશન ગ્રાફિક્સ અને એનિમેશન વાર્તાઓ કહેવા, વિચારો વ્યક્ત કરવા અથવા ધ્યાન દોરવા માટે ટાઇપોગ્રાફી અને દૃશ્ય ગતિનો ઉપયોગ કરતું સમય આધારિત ડિઝાઇન કાર્ય. બધાં પાત્ર સ્વરૂપો જુઓ
- ટાઇપોગ્રાફિક એનિમેશન
- શીર્ષક સિક્વન્સ
- અભિયાનો, સંગીત, શિક્ષણ અથવા બ્રાન્ડિંગ માટે મોશન ગ્રાફિક્સ
- ગતિશીલ અક્ષરરૂપો સાથેના પ્રયોગો
- વેરિયેબલ ફોન્ટનો વિશિષ્ટ ઉપયોગ કરતી કૃતિઓ (દા.ત. ગતિશીલ જાડાઈ, પહોળાઈ અથવા ઑપ્ટિકલ કદ)
અવકાશીય અને અનુભૂતિમૂલક ડિઝાઇન ભૌતિક અથવા ભૌતિક-ડિજિટલ મિશ્ર અવકાશમાં અનુભવો રચવા માટે અક્ષરરૂપો, છબીઓ અને માળખાનો ઉપયોગ કરતા અવકાશીય સંચાર પ્રોજેક્ટો. બધાં પાત્ર સ્વરૂપો જુઓ
- પ્રદર્શન અને મેળા માટે ડિઝાઇન
- માર્ગદર્શન પ્રણાલીઓ અને સંકેતફલકો
- અવકાશીય ટાઇપોગ્રાફી (સ્થાપનાકૃતિઓ, સ્થાપત્યમાં અક્ષરરૂપો, ડિજિટલ-ભૌતિક મિશ્ર સ્વરૂપો)
અભિયાનો એક કે અનેક માધ્યમોમાં મજબૂત ટાઇપોગ્રાફિક અને દૃશ્ય કથન સાથેની સંકલિત સંચાર વ્યૂહરચનાઓ. બધાં પાત્ર સ્વરૂપો જુઓ
- મુદ્રિત અભિયાનો (સંપાદકીય, જાહેરાત, જાહેર સંચાર)
- વિવિધ માધ્યમોને જોડતાં અભિયાનો (મુદ્રિત, ડિજિટલ, ભૌતિક)
- જાહેર હિતનો સંચાર (સામાજિક, રાજકીય, સાંસ્કૃતિક)
દૃશ્ય ઓળખ અને બ્રાન્ડિંગ ટાઇપોગ્રાફી અને દૃશ્ય ભાષા દ્વારા વ્યક્તિત્વ, મૂલ્યો અને સંદર્ભ વ્યક્ત કરતી સુસંગત બ્રાન્ડ ઓળખોની ડિઝાઇન. બધાં પાત્ર સ્વરૂપો જુઓ
- કોર્પોરેટ ડિઝાઇન પ્રણાલીઓ / દૃશ્ય ઓળખો
- લોગો ડિઝાઇન
- ટાઇપ આધારિત બ્રાન્ડિંગ (મુખ્યત્વે અક્ષરરૂપો દ્વારા રચાતી ઓળખો)
પ્રાયોગિક, અપ્રકાશિત અને સુલેખન કૃતિઓ ટાઇપોગ્રાફીના નવા અભિગમો, સાધનો અને સાંસ્કૃતિક કથનો શોધતી સ્વતંત્ર અને સંભાવનાઓ તપાસતી કૃતિઓ માટેનું સ્થાન – ખાસ કરીને લેટિનથી આગળની લિપિઓના સંદર્ભમાં. બધાં પાત્ર સ્વરૂપો જુઓ
- સ્વપ્રેરિત પ્રોજેક્ટો
- સંશોધન આધારિત અથવા સંકલ્પનાત્મક પ્રોટોટાઇપ
- પ્રારંભિક તબક્કાની સંકલ્પનાઓ / તૈયાર થઈ રહેલી કૃતિઓ
- સુલેખન કૃતિઓ અને અન્વેષણો
- હજી પ્રકાશિત કે સાકાર ન થયેલી કૃતિઓ
- અન્વેષણાત્મક ટાઇપોગ્રાફી
પોસ્ટરો (મુદ્રિત અને ડિજિટલ) મુદ્રિત અને ડિજિટલ પોસ્ટરોમાં અભિવ્યક્તિસભર ટાઇપોગ્રાફિક સંચાર. બધાં પાત્ર સ્વરૂપો જુઓ
- એકલ પોસ્ટરો
- પોસ્ટર શ્રેણીઓ
- મોટા કદનાં પોસ્ટરો (દા.ત. 18/1 બિલબોર્ડ, શહેરી બાહ્ય પ્રદર્શન સ્વરૂપો)
- ડિજિટલ પોસ્ટરો (જાહેર અથવા વ્યાવસાયિક સ્થળોમાં સ્ક્રીન આધારિત પ્રદર્શન)
લિપિ સમૂહો
આઠ લિપિ સમૂહો. પોતાની લિપિના જાણકાર નિષ્ણાતો. તમારી કૃતિનું મૂલ્યાંકન તેની મૂળ લિપિમાં થાય છે, જેમાં તેની ભાષા અને સાંસ્કૃતિક સંદર્ભ કેન્દ્રમાં હોય છે.
આર્મેનિયન
ચીની
પરંપરાગત અથવા સરળીકૃત ચીની
ગ્રીક
દક્ષિણ એશિયાઈ લિપિઓ
ગુરમુખી, દેવનાગરી, ગુજરાતી, બંગાળી, તેલુગુ, કન્નડ, મલયાલમ, તમિલ, સિંહલ
જાપાની
કોરિયન
દક્ષિણપૂર્વ એશિયાઈ લિપિઓ
થાઈ, બર્મીઝ, લાઓ, ખ્મેર
વારંવાર પૂછાતા પ્રશ્નો
સ્પર્ધામાં કોણ ભાગ લઈ શકે?
લેટિનથી આગળની લિપિઓ સાથે કામ કરતા ડિઝાઇનરો, ટાઇપોગ્રાફરો, સ્ટુડિયો, એજન્સીઓ, સંસ્થાની આંતરિક ટીમો, પ્રકાશકો, સાંસ્કૃતિક સંસ્થાઓ, વિદ્યાર્થીઓ, તાજેતરમાં સ્નાતક થયેલા, બ્રાન્ડ અને સંસ્થાઓ. તમારી કૃતિમાં અમારા આઠ લિપિ સમૂહોમાંથી લેટિનથી આગળની ઓછામાં ઓછી એક લિપિએ લખાણનો નોંધપાત્ર હિસ્સો વહન કરવો જોઈએ. એક જ શબ્દ કે સુશોભન માટેનો સ્પર્શ પૂરતો નથી: લેટિનથી આગળની લિપિ કૃતિનો અનિવાર્ય ભાગ હોવી જોઈએ, નજીવી વિગત નહીં.
અપ્રકાશિત કે હજી તૈયાર થઈ રહેલી કૃતિ રજૂ કરી શકું?
હા. “પ્રાયોગિક, અપ્રકાશિત અને સુલેખન કૃતિઓ” શ્રેણીમાં સ્વપ્રેરિત પ્રોજેક્ટ, પ્રોટોટાઇપ અને હજી પ્રકાશિત કે સાકાર ન થયેલી કૃતિઓનું સ્વાગત છે.
એક જ પ્રોજેક્ટ એકથી વધુ શ્રેણીઓમાં રજૂ કરી શકું?
હા. દરેક શ્રેણી માટે અલગ એન્ટ્રી ગણાય છે અને તેની ભાગીદારી ફી અલગથી ભરવાની રહે છે.
મારી કૃતિના અધિકારો મારી પાસે રહેશે?
રજૂ કરતાં પહેલાં સ્પર્ધાની સંપૂર્ણ માર્ગદર્શિકામાં અધિકારો અને ઉપયોગ અંગેની જોગવાઈઓ વાંચો.
મારી કૃતિમાં તૃતીય પક્ષની સામગ્રી (ફોન્ટ, ચિત્રો વગેરે) હોય તો?
રજૂ કરેલી બધી સામગ્રી માટે જરૂરી અધિકારો અને પરવાનગીઓ તમારી પાસે હોવાની ખાતરી કરો. સંપૂર્ણ આવશ્યકતાઓ માટે માર્ગદર્શિકા જુઓ.
રજૂઆત માટેના સાધનમાં તકનીકી મુશ્કેલી આવે તો શું કરવું?
granshan@granshan.com પર સંપર્ક કરો અને મુશ્કેલીનું વર્ણન કરો.
શું હું રજૂ કરેલી કૃતિમાં AI સાધનોનો ઉપયોગ કરી શકું?
હા, બીજા કોઈ પણ સાધનની જેમ AI સાધનો પણ તમારી ડિઝાઇન પ્રક્રિયામાં મદદ કરી શકે છે. પરંતુ રજૂ કરેલી કૃતિ તમારું પોતાનું મૌલિક સર્જનાત્મક કાર્ય હોવી જોઈએ: તેના સર્જક તમે જ રહો છો અને વિચાર, ટાઇપોગ્રાફી તથા અંતિમ ડિઝાઇન નિર્ણયોની જવાબદારી તમારી છે.
જો તમારી કૃતિના સર્જનમાં AIની મહત્ત્વની ભૂમિકા રહી હોય (જેમ કે જનરેટ કરેલાં ચિત્રો, લેટરિંગ કે લખાણ), તો કૃપા કરીને પ્રોજેક્ટના વર્ણનમાં ટૂંકમાં તેનો ઉલ્લેખ કરો. રજૂઆત કરીને તમે પુષ્ટિ કરો છો કે સ્પર્ધાની માર્ગદર્શિકા મુજબ, AIથી બનેલા કોઈ પણ ઘટકો સહિત, કૃતિ પરના તમામ જરૂરી અધિકારો તમારી પાસે છે.