அரபு வழி எழுத்துமுறைகள்
அரபு, பாரசீகம், குர்து, உருது
தகுதியும் பிரிவுகளும்
Bloom Awards இல் பங்கேற்கலாம்
படைப்புகளை அனுப்ப மீதமுள்ள நேரம்—
அறிமுகம்
பண்பாடுகளையும் எழுத்துமுறைகளையும் கடந்து சிறந்து விளங்கும் வடிவமைப்புத் தீர்வுகளை GRANSHAN Bloom Award அங்கீகரிக்கிறது. உலகம் இலத்தீனில் மட்டும் எழுதுவதில்லை. அரபு, வங்காளம், கெமர், ஜப்பானிய, கொரிய, தமிழ், தாய் எனப் பலவற்றிலும் எழுதுகிறது. இந்த வடிவங்கள் வெறும் குறிகளல்ல: மரபு, சேர்ந்திருக்கும் உணர்வு, புதிய எழுச்சி ஆகியவற்றின் வெளிப்பாடுகள்.
இந்த வளமைக்காக முழுமையாக அர்ப்பணிக்கப்பட்ட ஒரே சர்வதேச வடிவமைப்புப் போட்டி GRANSHAN. எங்கள் கவனம் தனித்துவமானது: உலகின் இலத்தீனுக்கு அப்பாற்பட்ட எழுத்துமுறைகள் ஒரு பிரிவு அல்ல, அவையே மையம். ஒவ்வொரு படைப்பையும் மதிப்பிடும் நடுவர்கள் வடிவமைப்பைப் பார்ப்பதோடு நிற்பதில்லை, அதை வாசிக்கிறார்கள். அதன் அசல் எழுத்துமுறையில். அசல் மொழியில். அது பேசும் பண்பாட்டு, அரசியல், உணர்வுச் சூழலில். இங்கு வடிவமைப்பு பார்க்கப்படுவதோடு நிற்பதில்லை. ஒரு பண்பாட்டைத் தாங்கும் அனைத்து வடிவங்களிலும் ஒலிகளிலும் அது புரிந்துகொள்ளப்படுகிறது.
தனித்துவத்தின் வலிமையை Bloom Award கொண்டாடுகிறது. ஏனெனில் தங்கள் எழுத்துமுறையை அறிந்து, தங்கள் அடையாளத்தின் வழியே பேசுபவர்களால்தான் உலகின் கூட்டுக் குரலில் ஒரு தனிக் குரலைச் சேர்க்க முடியும். அந்தக் குரல் உண்மையாகக் கேட்கப்படும்.
உங்கள் எழுத்துமுறையை உலகம் காணச் செய்யுங்கள். உங்கள் குரலை எதிரொலிக்கச் செய்யுங்கள்.
புத்தம் புதிய GRANSHAN Bloom Award க்கு வரவேற்கிறோம்!
Boris Kochan
GRANSHAN Foundation தலைவர்
யார் பங்கேற்கலாம்? எதை அனுப்பலாம்?
பண்பாடுகளை இணைக்கவும் கதைகள் சொல்லவும் அடையாளத்தை உருவாக்கவும் உங்கள் படைப்பு எழுத்தமைப்பைப் பயன்படுத்தினால், இந்தப் போட்டி உங்களுக்கானது:
- வடிவமைப்பாளர்கள்
- எழுத்தமைப்பாளர்கள்
- படைப்பாக்க இயக்குநர்கள்
- வடிவமைப்பகங்கள்
- முகமைகள்
- நிறுவன வடிவமைப்புக் குழுக்கள்
- பதிப்பாளர்கள்
- பண்பாட்டு அமைப்புகள்
- அரசு சாரா அமைப்புகள்
- மாணவர்கள்
- அண்மையில் பட்டம் பெற்றவர்கள்
- வணிக அடையாளங்கள்
- அமைப்புகள்
Works created or first published between January 2023 and December 2026 are eligible for submission. The publication or completion date must fall within this window. Works created before January 2023 are not eligible, regardless of whether they remain in active use or distribution.
பிரிவுகள்
இந்த எழுத்தமைப்புப் பன்மையுடன், போட்டி 9 ஊடகப் பிரிவுகளையும் உள்ளடக்குகிறது. சிறந்த எழுத்தமைப்புப் படைப்பாற்றலுக்கு ஒவ்வொன்றும் தனி மேடையை வழங்குகிறது. ஒவ்வொரு படைப்பும் அது தேர்ந்தெடுத்த ஊடகத்திற்குள், அந்தத் துறையின் வல்லுநர்களால் மதிப்பிடப்படுகிறது.
பதிப்பாசிரிய வடிவமைப்பு மற்றும் வெளியீடு அச்சு மற்றும் மின்னூடகங்களில் உள்ளடக்கமும் எழுத்தமைப்பும் இணைந்து, வாசிப்பில் ஆழ்த்தும் அனுபவங்களை உருவாக்கும் சிறந்த பதிப்பாசிரிய வடிவமைப்புப் படைப்புகள். தகுதியான வடிவங்களைப் பார்க்க
- நூல் வடிவமைப்பு (எ.கா. புனைவு, புனைவல்லாத நூல்கள், கலை நூல்கள், பட்டியல் நூல்கள்)
- இதழ் மற்றும் செய்தித்தாள் வடிவமைப்பு (அச்சு அல்லது மின்னூடகம்)
- எழுத்தமைப்பு சார்ந்த பதிப்புத் தொடர்கள் (பத்திகள், இலக்கியத் தொடர்கள், தொடர் கட்டுரைகள்)
- சுயாதீன வெளியீடுகள் (சிற்றிதழ்கள், சுய வெளியீட்டு நூல்கள், செய்திமடல்கள், சோதனை வடிவங்கள்)
பொதிவாக்கம் வணிக அடையாளத்தையும் பயனர் ஈடுபாட்டையும் மேம்படுத்தும் புதுமையான, பயனுள்ள பொதிவாக்கம். எழுத்தமைப்பின் நுட்பங்களுக்கும் வடிவத்தின் வழியே காட்சியாகக் கதை சொல்வதற்கும் சிறப்பு கவனம். தகுதியான வடிவங்களைப் பார்க்க
- தனிப் பொருளுக்கான பொதிவாக்கம்
- பொருள் வகைகளும் தொடர்களும்
- எழுத்தமைப்பு சார்ந்த பொதிவாக்கம் (எழுத்துவடிவத்தை முதன்மைக் காட்சிக் கூறாகக் கொண்ட வடிவமைப்புகள்)
மின்னூடகம் மற்றும் இடைமுக வடிவமைப்பு மின்வெளியில் ஊடாட்டத்தையும் எழுத்தமைப்பின் சிறப்பையும் அடுத்த நிலைக்குக் கொண்டுசெல்லும் படைப்பாற்றல் மிக்க திரைசார் வடிவமைப்புத் தீர்வுகள். தகுதியான வடிவங்களைப் பார்க்க
- இணையதளங்களும் பயனர் இடைமுகங்களும்
- கைப்பேசிச் செயலிகள்
- மின் வெளியீடுகள் / மின்னூல்கள் / ஊடாடும் நூல்கள்
- குறுந்தளங்கள் அல்லது மின்னூடகக் கதைசொல்லல் தளங்கள்
அசையும் வரைகலை மற்றும் அசைவூட்டம் கதைகளைச் சொல்லவும் கருத்துகளை வெளிப்படுத்தவும் கவனத்தை வழிநடத்தவும் எழுத்தமைப்பையும் காட்சி அசைவையும் பயன்படுத்தும் காலம் சார்ந்த வடிவமைப்புப் படைப்புகள். தகுதியான வடிவங்களைப் பார்க்க
- எழுத்தமைப்பு அசைவூட்டங்கள்
- தலைப்புக் காட்சித் தொடர்கள்
- பரப்புரைகள், இசை, கல்வி அல்லது வணிக அடையாள உருவாக்கத்திற்கான அசையும் வரைகலை
- அசையும் எழுத்துவடிவச் சோதனை முயற்சிகள்
- மாறும் எழுத்துருக் கோப்புகளைத் தனித்துவமாகப் பயன்படுத்தும் படைப்புகள் (எ.கா. மாறக்கூடிய எழுத்துத் தடிமன், அகலம் அல்லது காட்சியளவு)
இடச்சூழல் மற்றும் அனுபவ வடிவமைப்பு நேரடி அல்லது நேரடி-மின்னூடகம் இணைந்த சூழலில் அனுபவங்களை வடிவமைக்க எழுத்துவடிவம், படங்கள், கட்டமைப்பு ஆகியவற்றைப் பயன்படுத்தும் இடம்சார் தகவல் தொடர்புப் படைப்புகள். தகுதியான வடிவங்களைப் பார்க்க
- கண்காட்சி மற்றும் வர்த்தகக் காட்சி வடிவமைப்பு
- வழிகாட்டும் அமைப்புகளும் குறியீட்டுப் பலகைகளும்
- இடம்சார் எழுத்தமைப்பு (நிறுவல் கலை, கட்டடக்கலையில் எழுத்துவடிவம், மின்னூடகமும் நேரடிச் சூழலும் இணைந்த வடிவங்கள்)
பரப்புரைகள் வலுவான எழுத்தமைப்பு மற்றும் காட்சிக் கதைசொல்லலுடன், ஒன்று அல்லது பல வழிகளில் மேற்கொள்ளப்படும் ஒருங்கிணைந்த தகவல் தொடர்பு உத்திகள். தகுதியான வடிவங்களைப் பார்க்க
- அச்சுப் பரப்புரைகள் (பதிப்பாசிரியப் பணி, விளம்பரம், பொதுமக்களுடனான தகவல் தொடர்பு)
- பல ஊடகப் பரப்புரைகள் (அச்சு, மின்னூடகம், நேரடிச் சூழல்)
- பொதுநலத் தகவல் தொடர்பு (சமூகம், அரசியல், பண்பாடு)
காட்சி அடையாளம் மற்றும் வணிக அடையாள உருவாக்கம் எழுத்தமைப்பும் காட்சி மொழியும் வழியே தன்மை, மதிப்புகள், சூழல் ஆகியவற்றை வெளிப்படுத்தும் சீரான வணிக அடையாளங்களின் வடிவமைப்பு. தகுதியான வடிவங்களைப் பார்க்க
- நிறுவன வடிவமைப்பு அமைப்புகள் / காட்சி அடையாளங்கள்
- இலச்சினை வடிவமைப்பு
- எழுத்துவடிவத்தை மையமாகக் கொண்ட வணிக அடையாள உருவாக்கம் (எழுத்துவடிவத்தை முதன்மையாகக் கொண்ட அடையாளங்கள்)
சோதனை முயற்சிகள், வெளியிடப்படாத மற்றும் எழுத்தோவியப் படைப்புகள் புதிய எழுத்தமைப்பு அணுகுமுறைகள், கருவிகள், பண்பாட்டுக் கதையாடல்களை ஆராயும் சுயாதீன மற்றும் சாத்தியக்கூறுகளை நாடும் படைப்புகளுக்கான இடம் – குறிப்பாக இலத்தீனுக்கு அப்பாற்பட்ட எழுத்துமுறைகளில். தகுதியான வடிவங்களைப் பார்க்க
- சுயமுயற்சிப் படைப்புகள்
- ஆராய்ச்சி சார்ந்த அல்லது கருத்தாக்க அடிப்படையிலான முன்வடிவங்கள்
- தொடக்கநிலைக் கருத்தாக்கங்கள் / உருவாக்கத்தில் உள்ள படைப்புகள்
- எழுத்தோவியப் படைப்புகளும் தேடல்களும்
- இன்னும் வெளியிடப்படாத அல்லது செயலாக்கப்படாத படைப்புகள்
- எழுத்தமைப்பில் புதிய தேடல்கள்
சுவரொட்டிகள் (அச்சு மற்றும் மின்னூடகம்) அச்சு மற்றும் மின்னூடகச் சுவரொட்டிகளில் உணர்வுகளை வெளிப்படுத்தும் எழுத்தமைப்பு சார்ந்த தகவல் தொடர்பு. தகுதியான வடிவங்களைப் பார்க்க
- தனிச் சுவரொட்டிகள்
- சுவரொட்டித் தொடர்கள்
- பெரிய அளவுச் சுவரொட்டிகள் (எ.கா. 18/1 விளம்பரப் பலகைகள், நகர்ப்புற வெளிப்புற வடிவங்கள்)
- மின்னூடகச் சுவரொட்டிகள் (பொது அல்லது வணிக இடங்களில் திரைவழிக் காட்சிகள்)
எழுத்துமுறைக் குழுக்கள்
எட்டு எழுத்துமுறைக் குழுக்கள். அந்த எழுத்துமுறையைத் தாய்மொழியில் பயன்படுத்தும் வல்லுநர்கள். உங்கள் படைப்பு அதன் அசல் எழுத்துமுறையில், அதன் மொழியையும் பண்பாட்டுச் சூழலையும் மையமாகக் கொண்டு மதிப்பிடப்படுகிறது.
ஆர்மீனிய
சீன
மரபுச் சீனம் அல்லது எளிமைப்படுத்தப்பட்ட சீனம்
கிரேக்க
தெற்காசிய எழுத்துமுறைகள்
குர்முகி, தேவநாகரி, குஜராத்தி, வங்காளம், தெலுங்கு, கன்னடம், மலையாளம், தமிழ், சிங்களம்
ஜப்பானிய
கொரிய
தென்கிழக்காசிய எழுத்துமுறைகள்
தாய், பர்மியம், லாவோ, கெமர்
அடிக்கடி கேட்கப்படும் கேள்விகள்
போட்டியில் யார் பங்கேற்கலாம்?
இலத்தீனுக்கு அப்பாற்பட்ட எழுத்துமுறைகளைக் கொண்டு பணியாற்றும் வடிவமைப்பாளர்கள், எழுத்தமைப்பாளர்கள், வடிவமைப்பகங்கள், முகமைகள், நிறுவனக் குழுக்கள், பதிப்பாளர்கள், பண்பாட்டு அமைப்புகள், மாணவர்கள், அண்மையில் பட்டம் பெற்றவர்கள், வணிக அடையாளங்கள் மற்றும் அமைப்புகள். உங்கள் படைப்பில், எங்கள் எட்டு எழுத்துமுறைக் குழுக்களில் உள்ள இலத்தீனுக்கு அப்பாற்பட்ட குறைந்தது ஓர் எழுத்துமுறை உரையின் கணிசமான பகுதியைத் தாங்க வேண்டும். ஒரே ஒரு சொல்லோ அலங்காரத்துக்கான ஒரு தொடுகையோ போதாது: இலத்தீனுக்கு அப்பாற்பட்ட எழுத்துமுறை படைப்பின் ஓர் அத்தியாவசியப் பகுதியாக இருக்க வேண்டும், ஓரச் சிறு விவரமாக அல்ல.
வெளியிடப்படாத அல்லது உருவாக்கத்தில் உள்ள படைப்பை அனுப்பலாமா?
ஆம். சோதனை முயற்சிகள், வெளியிடப்படாத மற்றும் எழுத்தோவியப் படைப்புகள் பிரிவு, சுயமுயற்சியில் தொடங்கிய படைப்புகள், முன்வடிவங்கள், இன்னும் வெளியிடப்படாத அல்லது செயலாக்கப்படாத படைப்புகளை வரவேற்கிறது.
ஒரே படைப்பைப் பல பிரிவுகளில் அனுப்பலாமா?
ஆம். ஒவ்வொரு பிரிவிலும் அது தனிப் படைப்பாகப் பதிவு செய்யப்படுகிறது; அதற்குத் தனிப் பங்கேற்புக் கட்டணம் உண்டு.
என் படைப்பின் உரிமைகள் என்னிடமே இருக்குமா?
படைப்பை அனுப்பும் முன் முழுப் போட்டி வழிகாட்டுதல்களில் உள்ள உரிமைகள் மற்றும் பயன்பாடு குறித்த விதிகளைப் படியுங்கள்.
என் படைப்பில் மூன்றாம் தரப்பினரின் பொருட்கள் (எழுத்துருக் கோப்புகள், படங்கள் போன்றவை) இருந்தால்?
அனுப்பும் அனைத்துப் பொருட்களுக்கும் தேவையான உரிமைகளும் அனுமதிகளும் உங்களிடம் இருப்பதை உறுதிசெய்யுங்கள். முழுத் தேவைகளுக்கும் வழிகாட்டுதல்களைப் பாருங்கள்.
படைப்புகளை அனுப்பும் தளத்தில் தொழில்நுட்பச் சிக்கல் ஏற்பட்டால் என்ன செய்வது?
granshan@granshan.com க்கு எழுதி சிக்கலை விவரியுங்கள்.
அனுப்பும் படைப்பில் நான் AI கருவிகளைப் பயன்படுத்தலாமா?
ஆம், வேறு எந்தக் கருவியையும் போலவே AI கருவிகளும் உங்கள் வடிவமைப்புச் செயல்முறைக்கு உதவலாம். ஆனால் அனுப்பப்படும் படைப்பு உங்களுடைய சொந்த அசல் படைப்பாக இருக்க வேண்டும்: அதன் படைப்பாளர் நீங்களே; கருத்தாக்கம், எழுத்தமைப்பு, இறுதி வடிவமைப்பு முடிவுகள் ஆகியவற்றுக்கு நீங்களே பொறுப்பு.
உங்கள் படைப்பை உருவாக்குவதில் AI குறிப்பிடத்தக்க பங்கு வகித்திருந்தால் (எடுத்துக்காட்டாக, உருவாக்கப்பட்ட படங்கள், எழுத்தோவியம் அல்லது உரை), உங்கள் திட்ட விளக்கத்தில் அதைச் சுருக்கமாகக் குறிப்பிடுங்கள். படைப்பை அனுப்புவதன் மூலம், போட்டி வழிகாட்டுதல்களில் கூறப்பட்டுள்ளபடி, AI மூலம் உருவாக்கப்பட்ட கூறுகள் உட்படப் படைப்பின் மீதான தேவையான அனைத்து உரிமைகளும் உங்களிடம் உள்ளன என்பதை உறுதிப்படுத்துகிறீர்கள்.