Արաբական ծագման գրեր
Արաբերեն, պարսկերեն, քրդերեն, ուրդու
Մասնակցության պայմաններ և կատեգորիաներ
Bloom Award-ների հայտերն ընդունվում են
Ընդունման ավարտին մնացել է—
Ներածություն
GRANSHAN Bloom Award-ը ճանաչում է տարբեր մշակույթներում ու գրային համակարգերում ստեղծված ակնառու դիզայներական լուծումները։ Աշխարհը միայն լատինական գրով չի գրում։ Այն գրում է արաբական ու բենգալի, խմերական, ճապոնական, կորեական, թամիլ, թայական գրերով՝ ձևերով, որոնք ավելին են, քան նշաններ․ դրանք ժառանգության, պատկանելության և նորի ծնունդի արտահայտություններ են։
GRANSHAN-ը դիզայնի միակ միջազգային մրցույթն է, որն ամբողջությամբ նվիրված է այս հարստությանը։ Մեր ուշադրության կենտրոնը հստակ է․ աշխարհի լատինականից դուրս գրային համակարգերը կատեգորիա չեն, այլ մեր աշխատանքի առանցքը։ Յուրաքանչյուր մրցութային աշխատանք գնահատում են ժյուրիի անդամներ, որոնք դիզայնը ոչ միայն տեսնում են, այլև կարդում։ Բնօրինակ գրով։ Բնօրինակ լեզվով։ Այն մշակութային, քաղաքական և հուզական համատեքստում, որից այն խոսում է։ Այստեղ դիզայնը ոչ միայն տեսնում են, այլև հասկանում՝ մշակույթը կրող բոլոր ձևերով ու հնչյուններով։
Bloom Award-ը արժևորում է յուրահատուկի ուժը։ Որովհետև միայն սեփական գիրը ճանաչող, սեփական ինքնության միջոցով խոսող մարդիկ կարող են իրենց ուրույն ձայնը միացնել համաշխարհային երգչախմբին և իսկապես լսելի դառնալ։
Ձեր գիրը դարձրեք տեսանելի։ Թող ձեր ձայնն արձագանքի։
Բարի՛ գալուստ բոլորովին նոր GRANSHAN Bloom Award։
Boris Kochan
GRANSHAN հիմնադրամի նախագահ
Ո՞վ և ի՞նչ կարող է մասնակցել
Եթե ձեր աշխատանքում տառային ձևավորումն օգնում է կապել մշակույթները, պատմություններ պատմել և ինքնություն ձևավորել, այս մրցույթը ձեզ համար է՝
- Դիզայներներ
- Տառային ձևավորման մասնագետներ
- Ստեղծագործական տնօրեններ
- Ստուդիաներ
- Գործակալություններ
- Դիզայնի ներքին թիմեր
- Հրատարակիչներ
- Մշակութային հաստատություններ
- ՀԿ-ներ
- Ուսանողներ
- Նորավարտներ
- Բրենդներ
- Կազմակերպություններ
Works created or first published between January 2023 and December 2026 are eligible for submission. The publication or completion date must fall within this window. Works created before January 2023 are not eligible, regardless of whether they remain in active use or distribution.
Կատեգորիաներ
Այս տառային բազմազանության հետ մեկտեղ մրցույթն ընդգրկում է 9 մեդիա կատեգորիա, որոնցից յուրաքանչյուրն իր հարթակն է առաջարկում տառային ակնառու ստեղծագործականության համար։ Յուրաքանչյուր նախագիծ գնահատում են ընտրված մեդիայի շրջանակում՝ տվյալ ոլորտի մասնագետները։
Խմբագրական և հրատարակչական դիզայն Բացառիկ դիզայներական աշխատանքներ հրատարակչության ոլորտում, որտեղ բովանդակությունն ու տառային ձևավորումը միավորվում են՝ տպագիր և թվային մեդիայում ընթերցանությունը դարձնելով գրավիչ։ Ընդունելի բոլոր ձևաչափերը
- Գրքի դիզայն (օրինակ՝ գեղարվեստական և ոչ գեղարվեստական գրականություն, արվեստի գրքեր, կատալոգներ)
- Ամսագրերի և թերթերի դիզայն (տպագիր կամ թվային)
- Տառային ձևավորմամբ հրատարակչական շարքեր (հեղինակային սյունակներ, գրական շարքեր, մասերով հրապարակվող էսսեներ)
- Անկախ հրատարակչություն (զիներ, ինքնահրատարակված գրքեր, տեղեկագրեր, փորձարարական ձևաչափեր)
Փաթեթավորում Նորարար և գործառնական փաթեթավորում, որն ընդգծում է բրենդի ինքնությունը և խթանում օգտատիրոջ ներգրավվածությունը։ Հատուկ ուշադրություն է դարձվում տառային մանրամասներին և ձևի միջոցով տեսողական պատմություն հաղորդելուն։ Ընդունելի բոլոր ձևաչափերը
- Առանձին ապրանքի փաթեթավորում
- Ապրանքային գծեր և շարքեր
- Տառային ձևավորմամբ փաթեթավորում (դիզայն, որտեղ տառաձևը հիմնական տեսողական տարրն է)
Թվային մեդիա և միջերեսի դիզայն Էկրանային դիզայնի ստեղծագործական լուծումներ, որոնք թվային միջավայրում նոր մակարդակի են հասցնում փոխազդեցությունն ու տառային ձևավորման որակը։ Ընդունելի բոլոր ձևաչափերը
- Կայքեր և օգտատիրոջ միջերեսներ
- Բջջային հավելվածներ
- Թվային հրատարակություններ / Էլեկտրոնային գրքեր / Ինտերակտիվ գրքեր
- Միկրոկայքեր կամ թվային պատմություններ ներկայացնելու հարթակներ
Շարժապատկերային գրաֆիկա և անիմացիա Ժամանակի ընթացքում զարգացող դիզայներական աշխատանքներ, որոնք տառային ձևավորման և տեսողական շարժման միջոցով պատմություններ են պատմում, գաղափարներ արտահայտում կամ ուշադրություն ուղղորդում։ Ընդունելի բոլոր ձևաչափերը
- Տառային անիմացիաներ
- Տիտրերի հաջորդականություններ
- Շարժապատկերային գրաֆիկա՝ արշավների, երաժշտության, կրթության կամ բրենդավորման համար
- Շարժվող տառաձևերի փորձարկումներ
- Փոփոխական տառատեսակների յուրահատուկ կիրառություններ (օրինակ՝ հաստության, լայնության կամ օպտիկական չափի դինամիկ փոփոխությամբ)
Միջավայրի և փորձառության դիզայն Տարածական հաղորդակցության նախագծեր, որոնք տառաձևերի, պատկերների և կառուցվածքի միջոցով փորձառություններ են ձևավորում ֆիզիկական կամ հիբրիդային միջավայրում։ Ընդունելի բոլոր ձևաչափերը
- Ցուցահանդեսների և տոնավաճառների դիզայն
- Կողմնորոշման համակարգեր և ցուցանակներ
- Տարածական տառային ձևավորում (ինստալյացիաներ, տառաձևերը ճարտարապետության մեջ, թվային և ֆիզիկական տարրերի համադրություններ)
Արշավներ Հաղորդակցության համապարփակ ռազմավարություններ՝ մեկ կամ մի քանի ալիքներով, արտահայտիչ տառային ձևավորմամբ և տեսողական պատմությամբ։ Ընդունելի բոլոր ձևաչափերը
- Տպագիր արշավներ (հրատարակչական, գովազդային, հանրային հաղորդակցության)
- Տարբեր մեդիաներ համադրող արշավներ (տպագիր, թվային, ֆիզիկական)
- Հանրային շահին ծառայող հաղորդակցություն (սոցիալական, քաղաքական, մշակութային)
Տեսողական ինքնություն և բրենդավորում Բրենդի ամբողջական ինքնության դիզայն, որը տառային ձևավորման և տեսողական լեզվի միջոցով արտահայտում է նրա բնույթը, արժեքներն ու համատեքստը։ Ընդունելի բոլոր ձևաչափերը
- Կորպորատիվ դիզայնի համակարգեր / Տեսողական ինքնություններ
- Լոգոտիպի դիզայն
- Տառաձևերի վրա հիմնված բրենդավորում (ինքնություններ, որոնց հիմքում գլխավորապես տառաձևերն են)
Փորձարարական, չհրատարակված և գեղագրական աշխատանքներ Հարթակ անկախ և հայեցակարգային աշխատանքների համար, որոնք բացահայտում են տառային ձևավորման նոր մոտեցումներ, գործիքներ ու մշակութային պատմություններ – հատկապես լատինականից դուրս գրային համակարգերի համատեքստում։ Ընդունելի բոլոր ձևաչափերը
- Սեփական նախաձեռնությամբ նախագծեր
- Հետազոտության վրա հիմնված կամ հայեցակարգային նախատիպեր
- Նախնական գաղափարներ / Ընթացքի մեջ գտնվող աշխատանքներ
- Գեղագրական աշխատանքներ և ուսումնասիրություններ
- Դեռ չհրատարակված կամ չիրականացված աշխատանքներ
- Տառային ձևավորման որոնումներ
Պաստառներ (տպագիր և թվային) Արտահայտիչ հաղորդակցություն տառային ձևավորման միջոցով՝ տպագիր և թվային պաստառներում։ Ընդունելի բոլոր ձևաչափերը
- Առանձին պաստառներ
- Պաստառների շարքեր
- Մեծաչափ պաստառներ (օրինակ՝ 18/1 գովազդային վահանակներ, քաղաքային արտաքին գովազդի ձևաչափեր)
- Թվային պաստառներ (էկրանային ցուցադրություններ հանրային կամ առևտրային տարածքներում)
Գրային խմբեր
Ութ գրային խումբ։ Տվյալ գրային համակարգին հարազատ միջավայրի մասնագետներ։ Ձեր աշխատանքը գնահատվում է իր բնօրինակ գրով՝ լեզուն ու մշակութային համատեքստը պահելով կենտրոնում։
Հայերեն
Չինարեն
Ավանդական կամ պարզեցված չինարեն
Հունարեն
Հարավասիական գրեր
Գուրմուխի, դևանագարի, գուջարաթի, բենգալի, թելուգու, կաննադա, մալայալամ, թամիլ, սինհալա
Ճապոներեն
Կորեերեն
Հարավարևելյան ասիական գրեր
Թայերեն, բիրմայերեն, լաոսերեն, խմերերեն
Հաճախ տրվող հարցեր
Ո՞վ կարող է մասնակցել մրցույթին
Լատինականից դուրս գրային համակարգերով աշխատող դիզայներները, տառային ձևավորման մասնագետները, ստուդիաները, գործակալությունները, ներքին թիմերը, հրատարակիչները, մշակութային հաստատությունները, ուսանողները, նորավարտները, բրենդներն ու կազմակերպությունները։ Ձեր աշխատանքում մեր ութ գրային խմբերից լատինականից դուրս առնվազն մեկ գրային համակարգ պետք է կրի տեքստի զգալի մասը։ Մեկ բառը կամ դեկորատիվ շեշտը բավարար չէ․ լատինականից դուրս գրային համակարգը պետք է լինի աշխատանքի էական մասը, ոչ թե երկրորդական մանրուք։
Կարո՞ղ եմ ներկայացնել չհրատարակված կամ դեռ ընթացքի մեջ գտնվող աշխատանք
Այո։ «Փորձարարական, չհրատարակված և գեղագրական աշխատանքներ» կատեգորիան ընդունում է սեփական նախաձեռնությամբ ստեղծված նախագծեր, նախատիպեր և դեռ չհրատարակված կամ չիրագործված աշխատանքներ։
Կարո՞ղ եմ նույն նախագիծը ներկայացնել մի քանի կատեգորիայում
Այո։ Յուրաքանչյուր կատեգորիայի համար աշխատանքը ներկայացվում է առանձին և ունի իր մասնակցության վճարը։
Իմ աշխատանքի նկատմամբ իրավունքները պահպանվո՞ւմ են
Ներկայացնելուց առաջ ծանոթացեք իրավունքների և օգտագործման դրույթներին՝ մրցույթի ամբողջական ուղեցույցում։
Ի՞նչ անել, եթե աշխատանքս պարունակում է երրորդ կողմերի նյութեր՝ տառատեսակներ, պատկերներ և այլն
Համոզվեք, որ ունեք ներկայացվող բոլոր նյութերի համար անհրաժեշտ իրավունքներն ու թույլտվությունները։ Բոլոր պահանջներին ծանոթանալու համար կարդացեք ուղեցույցը։
Ի՞նչ անել, եթե աշխատանքների ներկայացման հարթակում տեխնիկական խնդիրներ են առաջանում
Գրեք granshan@granshan.com հասցեին և նկարագրեք խնդիրը։
Կարո՞ղ եմ ներկայացվող աշխատանքում օգտագործել արհեստական բանականության գործիքներ
Այո, արհեստական բանականության գործիքները կարող են աջակցել ձեր դիզայնի գործընթացին, ինչպես ցանկացած այլ գործիք։ Սակայն ներկայացված աշխատանքը պետք է լինի ձեր սեփական ինքնատիպ ստեղծագործությունը․ հեղինակը մնում եք դուք և պատասխանատու եք գաղափարի, տառային ձևավորման ու դիզայնի վերջնական որոշումների համար։
Եթե արհեստական բանականությունը էական դեր է ունեցել ձեր աշխատանքի ստեղծման մեջ (օրինակ՝ գեներացված պատկերներ, լեթերինգ կամ տեքստ), խնդրում ենք համառոտ նշել դա նախագծի նկարագրության մեջ։ Ներկայացնելով աշխատանքը՝ դուք հաստատում եք, որ ունեք աշխատանքի նկատմամբ բոլոր անհրաժեշտ իրավունքները, ներառյալ արհեստական բանականությամբ ստեղծված ցանկացած տարր, ինչպես սահմանված է մրցույթի ուղեցույցում։